"فلاح مصرى"
انا فلاح بدفية
ساكن فى عشة على شط المية
عشة خوص لكن اجمل من الدهبية
فى عنيا
اروح الغيط فى الفجرية
واجر ورايا السعية
اسقى الارض
ولو بدموع عنيا
اروى الغيط واسهر فية
كل ليالي
انا فلاح مصرى
وتوبى
يدل عليا
لو اعيش فى ضى لمبة
ما دمت مصرى
تبقى الدنيا شمس
حواليا
بحبك يا مصر
يا ام الشال والجلابية
بحبك وقت الحلو
ووقت الضنك بحبك
واشيلك جوا قلبى
وافديك ولو بدمى
دا انت
نن عنيا
وفداك كل الدنيا
انا فلاح بدفية
عايش فى عشة خوص
ولا الريفيرا الفرنسية
على شط النيل
اقعد العصرية
واصطاد السمك
فى شبك المغربية
واحبك يا مصر
يا منورة كل الدنيا
احب قمحك
وزهر قطنك
انا فلاح بدفية
موضوع: اجمل قصيدة عن الفلاح 
الجمعة أغسطس 24, 2012 10:23 am
